HATAW! D'yaryo ng Bayan hatawtabloid.com
SA RAMI ng mga kandidatong nangangampanya araw-araw, tanging si senatorial bet at Ilocos Norte Governor Imee Marcos lamang ang nakaalalang manawagan na magkaroon ng political ceasefire bilang paggunita o pagninilay sa Semana Santa.
Noong nakaraang linggo ay nanawagan si Imee sa lahat ng magkakalabang politiko na pairalin muna ang isang “political ceasefire” sa nalalapit na paggunita ng Semana Santa o Holy Week.
Aniya, makabubuting itigil muna ang mga alitan at batikusan ng magkakalabang politiko sa panahon ng kampanya para higit na makapagnilay ang bawat isa bilang mga Kristiyanong naniniwala kay Hesu Kristo.
“Siguro naman hindi kabawasan sa ating lahat na kahit sandali ay makapagnilay tayo lalu na ngayong Holy Week. Magkaisa tayo at kilalanin ang paghihirap ni Hesu Kristo,” paliwanag ni Marcos.
Ang panawagan ni Marcos ay bunsod na rin ng tumitinding tensiyon bunga ng nakatakdang halalan lalo sa mga lalawigan na mahigpit ang labanan ng magkakalabang kandidato.
“Dapat ‘political ceasefire’ muna tayo! Kahit na paano, malaking tulong ito kung sa pagsapit ng Holy Week ay magkaisa tayong lahat kabilang ang ating constituents, at maging daan ito para lalung maging mapayapa ang darating na eleksyon sa Mayo13,” panawagan pa ni Marcos.
Para kay Marcos, ang anumang uri ng karahasan ay hindi mangyayari sa panahon ng eleksiyon kung ang bawat magkakalabang politiko ay magkakaisa bilang mga Kristiyano at isasabuhay ang paghihirap ni Hesu Kristo ngayong Semana Santa.
Kaisa po ninyo kami diyan, Madam Imee.
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
