P5-M shabu nasabat

UMAABOT sa P5-M milyon halaga ng hinihi­nalang shabu ang nasabat sa buy-bust operation at dalawang hinihinalang tulak ng ilegal na droga ang arestado sa Brgy. Greater Lagro sa Quezon City, nitong Sabado.

Kinilala ni Quezon City Police District direc­tor, C/Supt. Joselito Es­qu­i­vel Jr. ang mga suspek na sina Martin Morales, 21-anyos at pinsan niyang si Paulo Morales, 18-anyos.

Habang nakatakas ang tatlo pang mga sus­pek lulan ng isang puting van.

Inihayag ni Supt. Benjamin Gabriel, hepe ng Fairview Police Station, agad inaresto ang dalawa makaraan tanggapin ang P75,000 halaga ng buy-bust money.

Nakuha sa mga suspek ang 10 malalaking sachet ng hinihinalang shabu na tinatayang 100 gramo ang bawat isa. Nakuha rin ang isang .38 kalibreng baril.

Isasailalim sa pagsu­suri ng Philippine Nation­al Police crime laboratory ang nakuhang mga ebi­densiya.