5 miyembro ng pamilya nilamon ng apoy

PATAY ang limang miyembro ng isang pamilya nang masunog ang kanilang bahay sa Agusan del Sur, nitong Lunes ng gabi.

Kinilala ang mga namatay na si Kim Abelita, asawa niyang si Marivic na isang guro, at mga anak nilang sina Lindy, Maverick at Rhiana.

Base sa impormas-yon mula sa Bureau of Fire Protection, dakong 11:00 pm nang sumiklab ang apoy sa bahay ng mag-anak sa San Francisco sa nasabing lalawigan.

Hindi pa matiyak ng mga awtoridad kung ano ang sanhi ng sunog habang patuloy ang kanilang imbestigasyon sa insidente.