Dayan dalhin sa Kamara (Hirit ng House Speaker)

IMINUNGKAHI nina House Speaker Pantaleon Alvarez at Majority Leader Rodolfo Fariñas, kailangan iprisenta ng Philippine National Police sa Kamara ang dating driver at lover ni Sen. Leila de Lima na si Ronnie Dayan.

Sinabi ni Fariñas, kailangan maiprisenta ng PNP si Dayan kay Alvarez dahil ang House Speaker ang lumagda at nagpalabas ng warrant of arrest laban sa dating bodyguard ni De Lima.

Magugunitang agad inilabas ang warrant of arrest kay Dayan makaraan patawan ng contempt ng House justice comittee.

Ito ay nang hindi pansinin ni Dayan ang subpoena na inilabas ng komite laban sa kanya para sa imbestigasyon hinggil sa paglaganap ng ilegal na droga.

Iginiit din ni Fariñas, mahalagang maiharap si Dayan sa imbestigasyon ng justice commitee.