HATAW! D'yaryo ng Bayan hatawtabloid.com
PATAY ang isang hinihinalang tulak ng droga nang lumaban sa mga pulis sa buy-bust operation kahapon ng madaling-araw sa Makati City.
Namatay noon din ang suspek na si Rogelio Solo, nasa hustong gulang, ng nasabing lugar.
Base sa report ng Southern Police District (SPD), nagsagawa ang mga operatiba ng District Anti-Illegal Drugs ng buy-bust operation laban sa suspek sa Brgy. Olympia, Makati City dakong 12:30 am.
Nakatunog ang suspek na pulis ang kanyang katransaksiyon kaya bumunot ng baril at nagpaputok ngunit gumanti ng putok ang mga awtoridad na agad ikinamatay ni Solo. ( JAJA GARCIA )
