Kapitana, anak patay sa ambush 2 sugatan

TACLOBAN CITY – Patay ang isang barangay kapitana at kanyang anak habang dalawa pa ang sugatan makaraan pagbabarilin sa Brgy. Guinbaoyan Norte, Calbayog City, Samar kamakalawa.

Ayon sa report ng Samar Provincial Police Office, kinilala ang mga namatay na si Barangay Kapitana Estrella Ollado, 56, at ang anak niyang si Ismael Ollado, 30, kapwa ng nasabing lugar.

Habang sugatan sina Esmeraldo Ollado, 60, residente ng Brgy. Guinbaoyan Norte, Calbayog City, Samar; at Erika Rollo, 16, high school student, residente ng P2, Brgy. Guinbaoyan Norte, Calbayog City, Samar.

Ayon kay Supt. Marlon Quimno, hepe ng Calbayog City, lulan ng tricycle ang mag-anak nang bigla silang pagbabarilin ng suspek na si Rogelio Salvame alyas Potpot, nasa hustong gulang, taga-Calbayog, kasama ang tatlong iba pa.

Bunsod nang pinaigting na hot pursuit operation ng pulisya ay agad nahuli si Salvame habang pinaghahanap pa ang tatlo niyang kasama.