Pagtaas ng kaso ng leptospirosis ikinaalarma

PANAHON na ng tag-ulan kasunod ng mga pagbaha.

Bunsod nito, muling nanganganib ang mga mamamayan na malubog sa tubig-baha na kontaminado ng ihi ng daga, ayon kay Ruth Marie Atienza, chief operating officer ng MAPECON Philippines, Inc., ang foremost authority ng pest control sa bansa.

Ito aniya ay magiging dahilan nang muling pagtaas ng kaso ng leptospirosis na dulot ng bakteryang tinatawag na leptospira na nakahahawa kapag nababasa.

Ang mga tao ay maaaring magkaroon nito kapag nalubog sa tubig-baha o sa lupa na kontaminado ng ihi ng mga hayop.

Ang bakterya ay maaaring makapasok sa katawan ng tao sa pamamagitan ng sugat o hiwa sa balat kapag nabasa ng kontaminadong tubig o kapag nawisikan sa mata o ilong, ayon kay Atienza. batay sa ulat ng World Health Organization.

Samantala, nagbabala si Atienza laban sa lamok na kumakagat sa araw sa gitna ng pangambang muling makaranas ang bansa ng dengue outbreak.

Ang dengue fever ay flu-like infection na dulot ng flavivirus na mula sa pamilya ng Aedes Egypty na nagmula sa Africa.

Ang pinaka-severe na uri ng dengue ay hemorrhagic fever na responsable sa 10 porsiyento ng mga kaso na pumapatay ng 22,000 katao kada taon.

Ang Mapecon, ayon kay Atienza, ay may “three in one mosquitos’ catcher trap” sa pamamagitan ng kombinasyon ng phenomone (odor attractant) at blue light.