Sayaw ng mga sawi, nag-trending

#CAMPSAWI

Kung may ospital para sa mga may karamdaman o may rehabilitation center para sa mga adik sa kung ano-ano, ang tanong eh kung may lugar ba para sa mga brokenhearted?

Sabi nga ng kanta, “Where do broken hearts go?” At tanong din ng isang henyo, “If the heart is the place where loge comes from, where does it go when it dies?”

Ito ang minsang itinanong ni Neil Arce sa kanyang girlfriend na si Bela Padilla. Na siya namang naging peg ng istorya ng pelikulang Camp Sawi na idinirehe ng assistant noon ni Bb. Joyce Bernal na si Irene Villamor.

Isa na ang proyektong ito sa magbubuo ng pangarap ni Bela na isang araw eh, maging kuwentista o kaya eh direktor bukod sa pagiging isang producer.

At nabuo ang kuwento. At istorya ng mga babaeng may kanya-kanyang bagahe sa pagkasawi sa pag-ibig ang gagampanan nina Kim Molina, Yassi Pressman, Andie Eigenmann, Arci Muñoz at si Bela nga.

Drama at komedi ang timpla ng pelikula na siniguro ni direk na magbabahagi ng maraming hugot sa mga umibig na, inibig pa, iibig, muling iibig at ‘yung ayaw na simula sa Agosto 24, 2016.

Kung idadaan sa sayaw ang dinaraanan ng isang sawi, ayon kay Yassi eh, limang simpleng steps lang.

Push away. Walk out. Walling. Iyak. Hugot.

Actually nag-trending na ito nang mag-viral sa social media. Ginagawa niyo na rin ba? Tara samahan na rin ang journey ng mga nasawi!

Na payag magkaroon ng totohanang Camp Sawi sa tunay na buhay!

HARDTALK – Pilar Mateo