Aktor, mahilig ‘mag-grocery’ sa bahay na pinupuntahan

BEWARE of this visitor. Kalat na ang kuwento ng aktor na kumbaga eh, nasama na lang sa mga lakad ng isang barkadahan dahil naipakilala rin naman siya sa itinuturing na benefactor ngayon ng nasabing grupo.

Sa mga sosyalan, rampahan here and abroad eh, madalas na nga silang nagkikita-kita.

Pero itong si aktor na hindi na nakaariba sa kinalalagyan niya eh, napansin ng mga kasama niyang may kakaiba palang ugali!

Sa ilang beses na kasi nilang pagbisita sa bahay ng kanilang benefactor, hindi raw ito mapigilan sa paggu-grocery sa bawat gamit na makita niya sa bahay na kumbaga eh, marami talagang supplies.

Mula sa mga gamit sa banyo—sabon, toothpaste, shampoo hanggang sa iba pa niyang makitang sobra-sobra eh, sige raw ito sa pagsasabing kanya na lang ang mga ‘yun at iuuwi na niya.

Nahihiya tuloy ang mga kasama niya kasi madalas na kasama pa niya ang girlfriend niya sa nasabing pagdalaw sa bahay ng mayamang kaibigan! Kahit pa sabihing okay ito sa nag-imbita, hindi naman daw ito okay sa mga kasama niya at baka isipin na lahat sila eh, gaya na niya!

( Pilar Mateo )