Jen, nagregalo ng Rolex sa manager

ASTIG si Jennylyn Mercado dahil binigyan niya ng Rolex watch ang manager niyang si Becky Aguila at Tudor naman ang anak nitong si Katrina Aguila.

Maraming blessings na dumating kay Jennylyn nitong dalawang taong magkakasunod kaya naman bilang pasasalamat ay niregaluhan niya ang mag-ina kaya naman tuwang-tuwa at nag-post si Katrina ng, “thank you so much @mercadojenny for our mother-daughter timepieces. We love it so much!!! Sobrang nakagugulat talaga. Ika nga ni ‘ma “JEN! Thank you for being such a kind, generous, and loving person. We are so lucky to have you. We love you so much! Thank u!!! Mwah mwah mwah!”

Simula noong 2014 ay sunod-sunod na ang box-office hit ng mga pelikula ng aktres nauna na ang English Only Please kasama si Derek Ramsay na nanalo si Jennylyn bilang Best Actress sa 2014 Metro Manila Film Festival kaya naman may follow-up na #Walang Forever noong 2015 with Jericho Rosales at nanalo ulit siya sa parehong kategorya bukod pa sa malaki ulit ang kinita nito.

Mahigit P120-M ang kinita ng The PreNup nina Jennylyn at Sam Milby produced ng Regal Entertainment at almost P200-M naman ang kinita ng Just The Three of Us kasama si John Lloyd Cruz handog naman ng Starcinema.

At nitong linggo lang ay may bagong endorsement na pumasok na naman kay Jennylyn, ang Tough Mama Kitchen and Home Appliances na kapipirma lang.

At sa tanong namin kay tita Becky kung ano na ang update sa kontrata ni Jennylyn sa GMA na expired na noong Mayo, “still negotiating, Reggs, update kita ‘pag okay na.”

FACT SHEET – Reggee Bonoan