Thursday , March 28 2024
Liangga District Jail, Surigao del Sur

4 preso nagtangkang tumakas sa Liangga District Jail bulagta

KAMATAYAN anginabot ng apat na preso, kabilang sa 11 inmates na nagtangkang tumak­as, habang isang jail guard ng Bureau of Jail Management and Penology personnel (BJMP) ang sugatan sa Liangga District Jail, sa Surigao del Sur nitong Linggo ng umaga.

Ayon kay BJMP spokesperson Jail Chief Inspector Xavier Solda, dakong 6:50 am, kahapon, 26 Setyembre, nang maganap ang insidente sa nasabing piitan.

Sa inisyal na report, naghahanda na upang maghain ng almusal ang mga duty personnel nang sunggaban ng 11 preso ang isa sa mga jailguard na noon ay magbubukas ng gate ng selda para ipasok ang kanilang pagkain.

“Na-overpower nila ‘yung duty (jailguard) na nagbubukas ng gate ng selda at nagawa nilang makalapit sa secondary gate. ‘Yung duty natin sa secondary gate ay nagawa pang mag-warning shot subalit dahil na rin sa bilis ng mga pangyayari at dami ng sumugod sa kaniya, maging siya ay na-overpower din at naagaw ang baril nito,” pahayag ni Solda.

Agad nagresponde ang iba pang duty personnel na nagresulta sa palitan ng putok, hanggang apat na preso ang bumulagta.

Sugatan naman ang isang personnel sa saksak ng improvised bladed weapon nang maki­pambuno sa grupo ng mga papatakas na preso.

Ang mga napatay na inmates (hindi pa pina­nga­lanan) ay hinihinalang miyembro ng communist terrorist group na New People’s Army (NPA) na nagawang makombinsi ang iba pang kapwa bilanggo upang isagawa ang pagtakas.

“Nalulungkot man kami sa pangyayari, mag­silbi sana itong babala sa ating mga PDL na nais gumawa ng pani­bagong paglabag sa batas,” ayon kay Solda.

“Ganoon pa man, hindi kami matitinag sa pagtupad ng aming tungkulin. Mag­baban­tay pa rin kaming ma­buti sa aming pasilidad at magsisilbi kami sa ating mga PDL sa abot ng aming makakaya upang matulungan natin sila sa kanilang pagbabagong buhay,” dagdag ng opisyal ng BJMP.

Samantala, agad ipinag-utos ni BJMP chief, Jail Director Allan Iral ang pagsasagawa ng malalimang imbes­tigasyon kaugnay sa insidente, kasabay ng paglalagay sa red alert status ng buong BJMP CARAGA. (ALMAR DANGUILAN)

About Almar Danguilan

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *