Wednesday , February 21 2024
lovers syota posas arrest

Dumayo para magtulak ng droga
LIVE-IN PARTNERS TIMBOG SA BULACAN

INARESTO ng mga awtoridad ang isang babae at kanyang kinakasama nang mahulihan ng hinihinalang ilegal na droga at baril na kargado ng bala sa ikinasang buy-bust operation sa bayan ng Guiguinto, lalawigan ng Bulacan, nitong Lunes, 7 Nobyembre.

Resulta ang operasyon ng patuloy na surveillance at follow-up operations ng pulisya dahil karamihan sa mga naaresto nila kaugnay ng ilegal na droga ay ang babaeng suspek ang itinuturong supplier.

Sa ulat mula kay P/Col. Relly Arnedo, provincial director ng Bulacan PPO, kinilala ang mga nadakip na suspek na sina Rosette Santos at Roberto Cruz alyas Obet, live-in partners at pansamantalang nanunuluyan sa Brgy. Sta. Rita, sa nabanggit na bayan.

Nakompiska mula sa mga suspek ang apat na bulto ng hinihinalang shabu na tinatayang nagkakahaga ng P130,000; isang kalibre .38 baril at mga bala.

Nabatid na dayo ang mga suspek sa Bulacan at nangungupahan sa Brgy. Sta. Rita at dahil sa bulto-bultong ilegal na droga pinaniniwalaang mga supplier rin ang ilan sa kanilang mga parokyano.

Hindi itinanggi ng mga suspek ang krimen at sinabing baguhan pa lamang sila sa kalakaran.

Ani Santos, napilitan lang silang gawin ito dahil simula nang magkasakit ang kinakasama ay hindi na na nakapaghanapbuhay si alyas Obet.

Patuloy na tinutunton ng pulisya ang mga posible pang kasabwat ng mga suspek sa kalakaran ng droga at kung gaano kalawak ang kanilang operasyon.

Nakatakdang sampahan ang mga akusado ng kasong paglabag sa RA 9165 o Comprehensive Dangerous Act of 2002 na kasalukuyang nakakulong sa Guiguinto MPS jail. (MICKA BAUTISTA)

About Micka Bautista

Check Also

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …

arrest posas

Rank 9 MWP arestado sa Valenzuela

SWAK sa loob ng rehas na bakal ang isang lalaki na wanted sa kasong frustrated …

Arrest Caloocan

Suspek sa droga dinakip
PARAK, SIBILYAN KINUYOG NG 8 KELOT  
2 barangay kagawad, Ex-O sabit

PINAGTULUNGAN bugbugin ng walong lalaking kinabibilangan ng dalawang kagawad ng barangay at executive officer (Ex-O) …