Saturday , December 10 2022

Tumalon mula sa condo
‘FUR MOMMY’ NAG-SUICIDE KASAMA NG ‘FUR BABY 

102522 Hataw Frontpage

ni ALMAR DANGUILAN

ISINAMA ng isang ‘fur mommy’ ang kaniyang alagang  aso sa kaniyang pagpapatiwakal sa pamamagitan ng pagtalon sa gusali ng nirerentahang condominium sa Quezon City, Linggo ng gabi.

Ang biktima, kinilalang si Cecilia Canoy Nieva, 47, empleyado sa Manila City Hall, residente sa No. 837-A Basa St., Brgy. 50, Tondo Maynila, at may condo unit sa Celandine Residences na matatagpuan sa A. Bonifacio Ave., Brgy. Balingasa, Quezon City.

Sa report ng Criminal Investigation and Detection Unit ng Quezon City Police District (CIDU-QCPD), bandang 6:00 pm nitong 23 Oktubre, nang maganap ang insidente sa parking ramp ng nirerentahang condo unit ng biktima sa nasabing lugar.

Batay sa inisyal na imbestigasyon nina P/MSgt. Jeremias Aliggayu, P/Cpl Camilo Ross Cunanan, at P/Cpl. Rasul Monib, dumating ang biktima sa Celandine Residences sakay ng taxi, bandang 5:15 pm at dumeretso sa kaniyang unit na nasa ikaapat na palapag ng gusali.

Ilang minuto lamang ang nakalipas, habang nagro-roving ang guwardiya ng condo na si Dioscorio Manlapas, ay nakarinig siya ng malakas na lagabog mula sa parking ramp.

Dahil dito ay pinuntahan ng sekyu ang parking ramp at doon ay bumungad sa kaniya ang nakabulagta at duguang biktima katabi ang itim na maliit na aso na wala na rin buhay.

Sa panayam sa anak ng biktima na kinilalang si Sean Xavier, halos dalawang taon na umanong dumaranas ng depresyon ang kaniyang ina kaya pinaiinom ito ng prescription pills para gumaling.

Natagpuan sa condo unit ng biktima ang sulat nito na nagsasaad ng… “Please call Sean Nieva, sorry Sean.”

Inaalam din ng pulisya kung ang biktima ay may kaugnayan kay Manila councillor, Ian “Banzai” Nieva.

About Almar Danguilan

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …