Saturday , November 26 2022
Ayala Foundation DSWD Erwin Tulfo
NAKATANGGAP ang mga kaanak ng limang magigiting na rescuers ng Bulacan Provincial Disaster Risk Reduction Management Office (PDRRMO) ng tulong pinansiyal mula sa Ayala Foundation, bilang pagkilala sa kanilang buong-pusong serbisyo nang manalasa ang super typhoon Karding.

Mula sa Ayala Foundation
KAANAK NG NAMAYAPANG BULACAN RESCUERS, NAKATANGGAP NG TULONG
Relief ops ng #BrigadangAyala, umarangkada sa mga probinsiya

MANILA — Nakatanggap ang mga kaanak ng limang magigiting na rescuers ng Bulacan Provincial Disaster Risk Reduction Management Office (PDRRMO) ng tulong pinansiyal mula sa Ayala Foundation, bilang pagkilala sa kanilang buong-pusong serbisyo nang manalasa ang super typhoon Karding.

Binawian ng buhay habang nagreresponde ang limang rescuers — George Agustin, 45; Troy Justin Agustin, 30; Marby Bartolome, 37; Narciso Calayag, Jr., 33; at Jerson Resurreccion, 33 — nang humagupit ang super typhoon noong nakaraang linggo.

Nagbigay-pugay si DSWD Secretary Erwin Tulfo sa mga namayapang rescuer at kanilang mga kaanak sa isang maiksing programa kasama sina Ayala Foundation President Ruel Maranan at Ayala Corporation Managing Director General Emmanuel Bautista (Ret.) nitong umaga.

“During calamities, we feel safer because there are people whom we call rescuers and first responders. Sila po iyong mga kamag-anak ninyo,” ani Tulfo. “They are the first responders. They responded to the call of duty. They did not waste their lives. Rather, they gave it to make sure that the people of Bulacan are safe during that very moment.”

“Nagbibigay-pugay po kami sa inyong mga kapamilya sa kanilang ginawang pagbubuwis ng kanilang buhay sa pagtulong sa kanilang mga kapwa,” ani Maranan. “Ang kanilang kabayanihan ang nagbibigay buhay at inspirasyon upang patuloy na makatulong sa marami pang nangangailangan.”

Maagap na nagsagawa ng relief operations ang #BrigadangAyala ng Ayala Group of Companies sa iba’t ibang bahagi ng Luzon matapos humagupit ang super typhoon Karding.

Dalawang libong rice packs ang ibinahagi ng grupo sa Maynila at Quezon City, at 2,000 food packs naman ang inilaan para sa Pampanga at Zambales. Sa tulong ng BPI Foundation, ACEN, at Manila Water Foundation, nakapagpaabot din ang #BrigadangAyala ng food packs, health kits, at inuming tubig sa mga pinaka-apektadong probinsiya. Ang rice at food packs ay inihatid gamit ang trucks ng Makati Development Corporation. 

“We’d like to thank Ayala Foundation for always being there in times of crisis. Ang Ayala Foundation po ay nariyan at ka-partner po ng pamahalaan sa pagtulong sa tuwing mayroong sakuna at krisis ang ating bayan,” pagkukwento ni Tulfo. “Ayala has been a partner of DSWD for a long, long time. We don’t have to call them. They come. Alam namin na kasunod na namin sila.”

About hataw tabloid

Check Also

Sa Lumban, Laguna NO 1 KAGAWAD, 1 PA TIKLO SA BUYBUST Boy Palatino Photo

Sa Lumban, Laguna
NO. 1 KAGAWAD, 1 PA TIKLO SA BUYBUST

ARESTADO sa ikinasang anti-illegal drug buy-bust ang isang barangay kagawad at kanyang kasabwat sa Brgy. …

dead gun police

Sa Tanauan, Batangas
DATING AHENTE NG ONLINE SABONG PATAY SA PAMAMARIL

BINAWIAN ng buhay ang isang 40-anyos lalaking napag-alamang dating ahente ng online sabong nang barilin …

Mandaue Cebu Fire

Coastal community tinupok ng apoy
700 PAMILYA NAWALAN NG TAHANAN SA MANDAUE

HINDI bababa sa 700 pamilya ang nawalan ng masisilungan nang sumiklab ang malaking sunog sa …

Daniel Fernando Alexis Castro Children’s Congress Bulacan

Provincial Children’s Congress ginanap sa Bulacan

“BILANG tagapagtaguyod ng mga bata at ama ng lalawigang ito, batid ko ang aking tungkulin …

prostitution

5 bebot naisalba vs ‘drive-thru’ prostitution,  bugaw timbog

NAILIGTAS ng National Bureau of Investigation (NBI) Anti-Human Trafficking Division ang limang kababaihan, kabilang ang …