Friday , September 30 2022

Sa 30 kaso ng Qualified Theft
TOP 8 MWP SA BICOL, ITINALAGA NI FM JR., SA PALASYO 

090122 Hataw Frontpage

ni ROSE NOVENARIO

NAKALUSOT sa matatalas na intelligence operatives ng Palasyo ang binansagang Top 8 most wanted person sa Naga City sa Camarines Sur at naitalaga ni Pangulong Ferdinand Marcos, Jr., bilang opisyal ng isang ahensiya sa ilalim ng kanyang tanggapan — ang Office of the President (OP).

Nabatid na si Maria Victoria Duldulao Gumabao, 54, ay itinalaga ni FM Jr., bilang isa sa apat na assistant director-general ng Philippine Information Agency (PIA) noong 1 Hulyo 2022.

Ang PIA ay isang attached agency ng OP at pinamumunuan ni Ramon Cualoping III.

Kamakailan, si Cualoping, ay ipinetisyon ng ilang opisyal at labor leaders ng ahensiya, para masibak bunsod ng katiwalian.

Si Gumabao, batay sa bicolmail.net, isang regional newspaper sa Bicol, ay dinakip ng Naga City Police Office (NCPO) noong 22 Mayo 2022 sa bisa ng warrant of arrest na inilabas ni Regional Trial Court Branch 62 Judge Jeaneth Cortez Geminde-San Joaquin bunsod ng 27 counts ng kasong Qualified Theft at 3 counts ng Qualified Theft Through Falsification of Public Documents, isinampa laban sa kanya ng Aliw Brodcasting Network.

Batay sa ulat, si Gumabao ay dating manager ng Home Radio, isang FM station, na nagsilbing campaign coordinator ni FM Jr., nitong 2022 presidential elections sa Camarines Sur.

Ang mga kaso laban kay Gumabao ay sinabing nag-ugat sa akusasyon ng kanyang dating employer na ibinulsa niya ang libo-libong pisong bayad ng ilang blocktimers sa radio station imbes ini-remit sa kompanya.

Dahil sa mga naturang alegasyon, sinipa si Gumabao sa Home Radio noong 2021.

Lumipat umano si Gumabao sa Bossing FM bilang program host at kalauna’y sumama sa campaign team ni FM Jr., sa Camarines Sur.

Nakalaya si Gumabao matapos ang dalawang araw na detensiyon, at nang makapaglagak ng piyansa.

Si Gumabao, sa talaan ng NCPO ay top 8 listahan ng mga most wanted persons (MWPs) sa lalawigan.  

About Rose Novenario

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …