Saturday , September 24 2022
San Jose del Monte CSJDM Police

Sa San Jose del Monte, Bulacan
NAWAWALANG ESTUDYANTE PATULOY NA PINAGHAHANAP

PATULOY na pinaghahanap ng mga awtoridad ang isang 16-anyos estudyanteng babae sa lungsod ng San Jose del Monte, sa lalawigan ng Bulacan matapos iulat na nawawala simula pa noong 11 Agosto 2022.

Kinilala ni P/Col. Charlie Cabradilla, acting provincial director ng Bulacan PPO, ang nawawalang estudyante na si Carl Antonette Sanchez, 16 anyos, Grade 9 student, tubong Bacoor, Cavite at kasalukuyang naninirahan sa Block 23 Lot 18 Phase F Francisco Homes Subd., Brgy. Narra, sa nabanggit na lungsod.

Batay sa ulat mula kay P/Lt. Cresenciano Cordero, Jr., officer in-charge ng San Jose del Monte CPS, dakong 11:00 pm noong 11 Agosto nang umalis si Carl Antonette Sanchez nang walang paalam matapos mapagalitan ng ina. 

Ipinagbigay-alam ito ng ng ina ng estudyante na si Carmela Ilagan sa mga barangay officials ng Brgy. Narra kinabukasan, 12 Agosto, at kalaunan sa estasyon ng pulisya.

Bumalik ang mga magulang ni Carl Antonette sa naturang himpilan ng pulisya nitong 25 Agosto matapos bigong mahanap ang kanilang anak sa mga kaibigan at kamag-anak.

Dito tuluyang kumilos sina P/Lt. Col. Cordero, mga imbestigador ng WCPD at P/Lt. Col. Jesus Manalo, hepe ng Provincial Intelligence Branch, upang magsagawa ng mga follow-up investigation sa pamamagitan ng pakikipag-usap sa mga kamag-anak, kaibigan, at sa mga lugar na maaaring pinuntahan ni Carl Antonette.

Hanggang sa tanggapan ng Anti-Cybercrime Group sa Camp Crame ay humingi ng tulong ang mga nabanggit na opisyal ng PNP upang mabuksan at ma-examine ang Facebook at Messenger account ni Carl Antonette para sa posibleng retrieval ng ano mang mensahe na magbibigay linaw sa kanyang kinaroroonan.

Sa kasalukuyan, patuloy ang pulisya ng Bulacan sa paghahanap sa nawawalang estudyante kasunod ang paalala sa lahat lalo sa mga kababaihan na pag-ibayuhin ang pag-iingat. (MICKA BAUTISTA)

About Micka Bautista

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …