Tuesday , September 27 2022

FM Jr., walang klarong direktiba
PNP KABADONG MAGPATUPAD NG ‘WAR ON DRUGS’ 

080822 Hataw Frontpage

ni Niño Aclan

INAMIN ni Senador Ronald “Bato” dela Rosa na nangangamba ang Philippine National Police (PNP) na ipagpatuloy ang pagpapatupad ng kampanya sa ‘war on drugs’ at iba pang mga uri ng mabibigat na krimen tulad ng terorismo dahil sa kawalan ng maliwanag na deklarasyon mula kay Pangulong Ferdinand Marcos, Jr.

Ayon kay Dela Rosa, kung siya ay isang pulis talagang mangangamba siyang magpatupad ng tama lalo na’t kung ang sangkot sa krimen ay anak ng politiko, big time, at kilala sa lipunan.

Ipinunto ni Dela Rosa, maaari kasing maging biktima ng harassment, ang isang tapat na pulis na ipatutupad ang kanyang tungkulin, ng mga kamag-anak ng mga nasasangkot sa krimen lalo sa usapin ng droga dahil sa paniniwalang nasira ang kanilang reputasyon at pangalan kahit legal pa ang naging operasyon.

Tinukoy ni dela Rosa, maraming ahensiya kasi ang maaaring pagsumbungan laban sa isang pulis kung kaya’t masyado silang nag-iingat dahil maaaring makaapekto rin sa promosyon ng isang pulis.

Ngunit kompiyansa si Dela Rosa, bagamat walang malinaw na direktibang ipinahayag ang Pangulo ukol sa war on drugs ay gagawin pa rin ng pulisya ang kanilang tungkulin.

Umaasa si Dela Rosa, hindi na muling magbabalik sa bansa ang mga taong sangkot sa ilegal na droga ganoon din ang ninja cops.

Aminado si Dela Rosa, mayroong plano ang Pangulong Marcos ukol sa isyu ng ilegal na droga  ngunit kailangan nating hintayin ang kanyang magiging pahayag at hakbangin ukol dito.

Tiwala si Dela Rosa sa kasalukuyang administrasyon at kanyang mga tauhan na kayang-kayang ipatupad ang batas laban sa kriminalidad at ilegal na droga. 

Si Dela Rosa ay isa sa naghain ng panukalang batas na ibalik ang death penalty laban sa bigtime drug lord ngunit hindi sakop ang mga pusher at mga small time illegal drug traders. (NIÑO ACLAN)

About Niño Aclan

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …