HATAW! D'yaryo ng Bayan hatawtabloid.com
PARA lumakas ang loob, bumabatak muna ng marijuana ang isang pinaniniwalaang magnanakaw na naaresto ng pulisya sa lungsod ng San Jose del Monte, sa lalawigan ng Bulacan, nitong Sabado, 2 Hulyo.
Sa ulat mula kay P/Col. Charlie Cabradilla, acting provincial director ng Bulacan PPO, kinilala ang nadakip na suspek na si Arwin Abergas, residente sa Brgy. Saog, bayan ng Marilao, sa nabanggit na lalawigan.
Dinakip si Abergas ng mga elemento ng San Jose del Monte CPS matapos mangulimbat ng iba’t ibang gamit sa loob ng isang tindahan.
Nang kapkapan ng mga awtoridad ang suspek, nasabat sa kanyang pag-iingat ang mga tuyong dahon ng marijuana na nakabilot sa papel, improvised tooter, sling bag, at iba pang mga gamit na ninakaw.
Napag-alamang bago umatake ang suspek sa lugar o establisimiyento, bumabatak muna siya ng marijuana upang pampalakas ng loob sa gagawing pagnanakaw. (MICKA BAUTISTA)
