Thursday , March 30 2023
shot from a handgun with fire and smoke

Sabit sa droga?
DRIVER BINOGA SA TRUCK

ISANG truck driver ang pinagbabaril ng hindi kilalang suspek habang nakaupo sa driver’s seat ng minamaneho niyang six-wheeler truck sa Caloocan City, kamakalawa ng gabi.

Patay agad ang biktimang kinilalang si Randy Lampayug, 32 anyos, stay-in truck driver ng Jamdi Trucking Services at residente sa Baseco, Port Area, Maynila sanhi ng tatlong tama ng kalibre .45 sa ulo at leeg.

Kaagad tumakas ang hindi kilalang suspek sa hindi nabatid na direksiyon.

Sa kanyang report kay Caloocan police chief P/Col. Samuel Mina, sinabi ni P/Cpl. Niño Nazareno Paguirigan, may hawak ng kaso, dakong 8:30 pm, habang nakaparada sa kahabaan ng C3 Road, Brgy. 28 ang minamanehong Dayun tractor head (AAN-1815).

Nakaupo si Lampayug sa driver’s seat  nang mapansin ng kanyang mga katrabaho na sina Rodrigo Rubio at Ramil Recala, kapwa stay-in truck drivers, ang isang hindi kilalang lalaki na nakasuot ng itim na jacket at denim pants na lumapit sa biktima saka tatlong beses na binaril sa ulo at leeg na nagresulta ng kanyang kamatayan.

Ani Col. Mina, narekober ng Northern Police District (NPD) Forensic Unit team sa pangunguna ni P/Maj. Divina Funelas ang 14 pirasong heat-sealed transparent plastic sachets na may bahid ng hinihinalang shabu mula sa bulsa ng biktima habang ang ilang drug paraphernalia at isang sachet ng hinihinalang shabu ay natagpuan sa loob ng truck.

Tatlong pirasong basyo ng bala mula sa hindi pa matukoy na kalibre ng baril ang narekober din sa crime scene habang patuloy ang follow-up investigation ng pulisya para sa posibleng pagkakilanlan at pagkakaaresto sa suspek.

Hindi binabalewala ng pulisya ang posibilidad na ang pagpatay ay may kaugnayan sa ilegal na droga matapos sabihin ng kanyang mga katrabaho sa mga awtoridad na sangkot sa paggamit ng droga ang biktima. (ROMMEL SALES)

About Rommel Sales

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …