Saturday , March 25 2023
shabu drug arrest

Sa Navotas buy bust
P1.1-M SHABU, BARIL NASABAT DALAWANG TULAK, 1 PA HULI

SWAK sa kulungan ang dalawang hinihinalang drug personalities at isang user makaraang makuhaan ng baril at mahigit P1 milyon halaga ng shabu sa buy bust operation sa Navotas City, kahapon ng madaling araw.

Kinilala ni Navotas City police chief Col. Dexter Ollaging ang naarestong mga suspek na sina Mark Renzo Valerio, 25 anyos, kilalang pusher/listed, Jayzen Manalaysay, 34 anyos, mangingisda, at si Glen Lacson, 36 anyos,  user/listed, pawang residente sa nasabing lungsod.

Batay sa ulat ni Col. Ollaging kay Northern Police District (NPD) Director P/BGen. Ulysses Cruz, dakong 12:25 am nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Luis Rufo, kasama ang TMRU, Sub-Station 4, Intelligence Section, at NDIT, RIU-NCR ng buy bust operation sa Tanigue Extension, Brgy. NBBS Dagat-Dagatan.

Kaagad sinunggaban ng mga operatiba si Valerio at Manalaysay matapos bentahan ng P5,000 halaga ng shabu ang isang pulis na umakto bilang poseur buyer, kasama si Lacson na nakuhaan din ng hinihinalang shabu at baril.

Nakompiska sa mga suspek ang halos 170 grams ng hinihinalang shabu, may corresponding standard drug price (SDP) P1,156,000, buy bust money, coin purse, tickler notebook, digital weighting scale, 2 sling bags at cal. 38 revolver Colt, may apat na bala.

Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002 habang karagdagang kasong paglabag sa RA 10591 (Comprehensive law on firearms and Ammunitions) ang kakaharapin ni Lacson. (ROMMEL SALES)

About Rommel Sales

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …