Wednesday , May 25 2022
Sta Maria Bulacan

Tone-toneladang basura, putik huli sa aktong itinatapon 2 dump trucks, drivers inaresto

NADAKIP ang dalawang lalaki na nagmamaneho ng dalawang dump trucks nang maaktohang nagtatapon ng tone-toneladang putik na puno ng basura sa bayan ng Sta. Maria, lalawigan ng Bulacan, nitong Biyernes, 22 Abril.

Sa ulat mula kay Sta. Maria Mayor Russel “Yoyoy” Pleyto, magkatuwang na nagresponde ang mga tauhan ng Municipal Environment and Natural Resources Office (MENRO) at Sta. Maria MPS sa reklamo kaugnay sa ilegal na pagbiyahe at pagtatapon ng putik na puno ng basura sa Sitio Sulucan 1st, Brgy. Mag-asawang Sapa, sa naturang bayan.

Huli sa akto ang mga suspek na kinilalang sina Raymark De Veyra at Mark Anthony Bayani, pawang mga driver ng dump truck at parehong residente sa Commonwealth Ave., Quezon City.

Nang imbestigahan ay walang maipakitang transport permit o iba pang dokumento ang mga suspek na galing sa mga kinauukulang ahensiya ng gobyerno.

Dito kinompiska ng mga awtoridad ang mga minamaneho nilang dalawang 35-metric toner dump trucks na naglalaman ng tone-toneladang putik na nahahaluan ng sangkaterbang basura mula sa bayan ng Marilao, sa naturang lalawigan.

Ini-impound ang dalawang dump trucks sa Central MRF samantala ang mga suspek ay inilagay sa kustodiya ng Sta. Maria MPS habang hinihintay ang pagsasampa ng nararapat na kaso.

Samantala, nagtulong-tulong ang mga tauhan ng Bureau of Fire Protection (BFP) at Sta. Maria MDRRMO na mai-flush out ang mga tone-toneladang putik at basura upang hindi makaapekto sa mga residente sa lugar. (MICKA BAUTISTA)

About Micka Bautista

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …