Wednesday , July 24 2024

Sa ‘di maawat na oil price hike
SAMBAYANAN MAGTIYAGA, MAGTIPID — DOE 

021722 Hataw Frontpage

ni ROSE NOVENARIO           

HABANG maiksi po ang kumot, magtiyaga po muna tayo, magtipid po muna tayo.”

Panawagan ito sa publiko ni Department of Energy (DoE) – Oil Industry Management Bureau assistant director Rodela Romero kahapon sa Laging Handa briefing hinggil sa hindi maawat na pagtaas ng presyo ng langis.

Simula ng taong 2022, pitong beses na ang oil price hike na ipinatupad sa Filipinas, P7.90 /litro sa gasoline, P10.20/ litro sa diesel at P9.20 sa kerosene kada litro.

Bukod sa mga ayuda na ipinagkakaloob ng pamahalaan sa iba’t ibang sektor tulad ng transportasyon at agrikultura ay isinusulong ng DoE ang energy conservation.

“Pino-promote pa rin po namin iyong ating energy conservation, na habang maiksi ang kumot, magtipid po tayo. Planohin po natin iyong ating mga lakad. Iwasan po iyong idling, iyong pagpapatakbo ng makina nang hindi naman tumatakbo iyong sasakyan. Mga iba pong energy conservation, even po roon sa mga LPG na dapat ay nakaayos po lahat ang mga sahog bago tayo magluto,” ani Romero.

“So lahat po ng iyan ay gusto po naming iapela sa inyo, tulong-tulong po tayo na kahit paano ay malagpasan po natin itong mga pangyayaring ito sa patuloy na pagtaas ng langis lalo sa mga bagay na hindi natin control,” dagdag niya.

Matatandaan, ang Oil Deregulation Law ang laging ikinakatuwiran ng pamahalaan na dahilan kaya hindi mapakialaman ang presyo ng langis at produktong petrolyo sa bansa.  

Ayon kay Romero, ang mga nagtutulak ng oil price hike sa Filipinas ay ang kapos na fuel supply, tumaas na fuel demand, at supply disruption dulot ng mga pangyayari sa ibang bansa gaya ng girian ng Russia at Ukraine, pagsabog sa Nigeria, pileline leaks sa Libya, at oil spill sa Ecuador at Kazakhstan.

“So ibig sabihin, lahat po ng mga pangyayaring iyon, nag-contribute po para maging tight ang supply sa buong mundo. So iyon po ang dahilan kung bakit nagkasunod-sunod po ang pagtaas na apektado po ang Filipinas,” ani Romero. 

Upang matiyak aniya na may sapat na fuel supply ang bansa ay nagbubuo ang DoE ng oil contingency task force upang matugunan ang mga naturang supply disruption.

Giit ni Romero, may koordinasyon na ang DoE sa Philippine National Oil Company (PNOC) at mga ahensiya ng gobyerno upang malaman ang kanilang mga pangangailangan upang mabuo ang oil contingency plan na magbibigay daan sa stockpiling program o strategic petroleum reserve (SPR).

Kaugnay nito, hinimok ng mga progresibong grupong Anakpawis at Pambansang Lakas ng Kilusang Mamamalakaya ng Pilipinas (Pamalakaya) si Pangulong Rodrigo Duterte na obligahin ang major oil companies na isapubliko ang proseso ng kanilang pagtatakda ng presyo ng langis.

May kapangyarihan anila si Pangulong Duterte na mag-isyu ng executive order na mag-aatas sa ‘big three’ oil industry players – Petron, Shell at Chevron –  na isiwalat ang proseso ng kanilang oil pricing alinsunod sa global oil prices.

“It would only take less than a day for the government to issue an executive order compelling big-time oil companies to specify in detail their processes of price increases and impose a price control subsequently,” sabi ni Anakpawis national president Ariel Casilao.

About hataw tabloid

Check Also

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Bulacan Police PNP

No. 1 MWP – City Level, 16 lawbreakers timbog

ARESTADO ng mga awtoridad ang anim na hinihinalang tulak ng ilegal na droga, tatlong pinaghahanap …