Friday , May 27 2022

Biktima sinaksak sa leeg, suspek patay (Sa hostage drama sa Antipolo, Rizal)

BINAWIAN ng buhay sa pagamutan ang suspek na pinagbabaril ng mga nagrespondeng pulis dahil sa pagtaga sa kanyang mga biktima sa naganap na hostage taking sa lungsod ng Antipolo, lalawigan ng Rizal, nitong Sabado ng umaga, unang araw ng Enero.

Kinilala ni P/Lt. Col. June Paolo Abrazado, hepe ng Antipolo police, ang biktimang sinaksak sa leeg na si Teresa Lorena, 37 anyos, habang nailigtas ng mga awtoridad ang dalawa pang biktimang sina Mary Grace Lorena, 25 anyos; at isang anim na buwang sanggol na si Sabel Lorena.

Samantala, hindi pa natutukoy ang pagka­kakilanlan ng suspek na dinala sa Amang Rodri­guez Memorial Medical Center (ARMMC).

Ayon sa pahayag sa pulisya ng ama ng mga biktimang si Joe Lorena, dakong 5:00 am kamaka­lawa nang pasukin ng suspek ang kanilang bahay na armado ng itak at kutsilyo sa No. 7 Phase 1, Seruna Village, Brgy. Mambugan, sa naturang lungsod.

Hinala ng pulisya, pagnanakaw ang motibo ngunit nagising ang biktimang si Teresa kaya sinaksak siya sa leeg ng suspek.

Halos isang oras tuma-gal ang pangho-hostage ng suspek kina Mary Grace at sa sanggol habang kinakausap siya nina P/Lt. Col. Abrazado at P/Maj. Dante Aquino ng Highway Patrol upang sumuko.

Nang tangkain ng suspek na tagain pa si Mary Grace, dito pinag­babaril ng mga awtoridad ang suspek na tinamaan sa iba’t ibang bahagi ng kanyang katawan saka idineklarang dead on arrival sa nabanggit na paga­mutan.

Kritikal dahil sa mara­ming sugat ang biktimang si Teresa. (EDWIN MORENO)

About Ed Moreno

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …