Monday , October 25 2021

Online probe vs Duterte sa EJKs puwede — ex-ICC judge

092121 Hataw Frontpage

ni Rose Novenario

WALANG makapipigil sa International Criminal Court (ICC) na ilarga ang imbestigasyon sa crimes against humanity of murder kaugnay sa mga naganap na patayan sa drug war kahit harangin ng administrasyong Duterte.

Sinabi ni dating ICC Judge Raul Pangalangan na may hurisdiksyon ang ICC sa mga krimen na naganap habang ang Filipinas ay kasapi pa ng Rome Statute.

“Investigations can be done via online video mechanisms,” sabi Pangalangan sa The Source sa CNN Philippines kahapon.

Puwede aniyang kilalanin ng ICC ang mga pahayag ng mga testigo para maging bahagi ng record upang maitaguyod ang sapat na batayan para maghain ng mga kaso laban sa mga akusado.

“The case and the investigation can move forward without the cooperation of the state. Because the only issue is whether there is enough evidence to support an indictment,” sabi ni Pangalangan.

“If that evidence is secured locally by witnesses who stepped forward within the Philippines and that evidence is sent on to The Hague, it will be available to support an indictment.”

Sakaling magkaroon ng indictment o pormal na hatol ang Pre-Trial Chamber, puwede nang umusad sa trial stage ang kaso.

Nanindigan ang Malacañang na walang obligasyon ang Filipinas na makipagtulungan sa ICC dahil hindi na kasapi ang bansa sa Rome Statute.

Ayon kay Presidential Spokesman Harry Roque, hindi  puwedeng basta pumasok sa bansa ang mga dayuhan kung walang long staying visa alinsunod sa CoVid-19 protocol.

“At dahil wala po tayong obligasyong makipag-cooperate, paninindigan natin ang ating hurisdiksyon at soberanya. Seloso po ‘yan, hindi po pupuwede na dalawang estado ang mag-i-exercise ng hurisdiksyon at ng soberanya,” ani Roque.

“Exclusive po ang pag-exercise ng hurisdiksyon at ng soberanya kaya ‘yan po ang dahilan kung bakit hindi puwedeng mag-imbestiga ang mga dayuhan sa mga krimen na nangyari po rito sa ating bayan. Now, that is a moot and academic question naman po kasi habang nandiyan pa po si CoVid, wala naman pong pupuwedeng pumasok dito kung hindi iyong mayroong long staying visas.”

About Rose Novenario

Check Also

PH ayaw pasukin ng investors dahil sa super mahal na koryente — Solon

MULING binatikos ni Bayan Muna Rep. Carlos Zarate ang panibagong power rate hike ngayong Oktubre, …

Blind Item, Woman, man, gay

BF ni sikat na aktres boylet din ni batang matinee idol

ANO kaya ang sasabihin ng magaling at sikat na aktres kung makakarating sa kanya ang tsismis …

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

Oil Price Hike

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Leave a Reply