Friday , March 29 2024
Lloyd Christopher Lao
Lloyd Christopher Lao

HDO vs Lao inihirit ng senado (Planong tumakas)

NAIS ng Senado na maglabas ng hold departure order (HDO) laban kay dating Budget Undersecretary Christopher Lloyd Lao matapos makatanggap ng ulat na nagtangkang lumabas ng bansa sa gitna ng imbestigasyon sa overpriced medical supplies na kanyang kinasasangkutan.

Sa panayam sa Dobol B TV, sinabi ni Sen. Richard Gordon, chairman ng Senate Blue Ribbon Committee, na inabisohan siya ni Sen. Franklin Drilon na nakakuha ng visa si Lao at nakatakdang umalis ng bansa.

“Ang report paalis na raw talaga. Mayroon ng visa sa ibang bansa,” ani Gordon.

“So, sabi ko kaninang madaling araw, kahit doon sa text ko kay Senate President [Vicente Sotto III], tulad ng sinabi ko na we may have to anticipate this. So, baka kailangan ng hold departure order para rito sa mga parties involved dahil kapag nakaalis ‘yan e wala na,” dagdag niya.

Sumang-ayon umano sa kanyang suhestiyon si Sotto.

“Sabi ni Sotto ‘Okay. Good!’ sabi niyang ganoon,” ani Gordon.

Gusto aniya ni Sen. Panfilo “ping” Lacson na dalhin sa Senado si Lao.

Nauna rito’y kinompirma ni Gordon ang kahandaan ng mga senador na personal na dumalo sa pagdinig sa Senado kaugnay sa P8.7 bilyong overpriced medical supplies na inaprobahan ni Lao para sa Pharmally Pharmaceutical Corporation.

Nais malaman ng mga senador kung sino ang nag-utos kay Lao na ibigay ang mga kontrata sa Pharmally, gayong Setyembre 2019 lamang itinatag ang kompanya na may paid capital na P625,000 at walang karanasan sa medical supplies.

Imbes suportahan ang Senate probe, binatikos ni Pangulong Rodrigo Duterte at nanawagan sa publiko na huwag paniwalaan ang imbestigasyon. (ROSE NOVENARIO)

About Rose Novenario

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Leave a Reply

Your email address will not be published. Required fields are marked *