Friday , March 29 2024

May ‘fake news’ pero ‘wag ‘gamiting’ rason

POSIBLENG  may “fake news” na kumalat patungkol sa umano’y pagnanakaw ng Yolanda funds, ngunit hindi dapat kalimutan ng publiko ang pagpapabaya at pagkukulang ng pamahalaan sa nangyaring krisis.

Ito ang pahayag ng broadcast journalist at kandidato para sa Senado na si Jiggy Manicad bilang sagot sa isang statement mula sa kampo ni dating Department of Interior and Local Government (DILG) Secretary Mar Roxas na nagbabala sa publiko tungkol sa “fake news” na umiikot ukol sa Yolanda funds.

Maaalalang si Manicad ang nanguna sa tanging TV broadcast na napalabas sa bansa sa kasagsagan ng bagyo.

“Kasama kami ng mga taga-Leyte noong rumagasa ang bagyong Yolanda. We thought we were going to die. We were the first and only network to go live then. To the horror of the victims in the hours, days following the typhoon, wala pa rin tulong. Konti pa lang ang rume­responde,” ani Manicad.

“Kaming reporters we all knew that the biggest typhoon on record was coming. Surely, alam din ‘yan ng DILG. Bakit nagkulang pa rin tayo sa agarang pagsu-supply ng tubig, koryente, pagkain pagkatapos ng bagyo?” tanong ng mama­mahayag.

Noong Huwebes, sinabi ng spokesman ni Roxas na si Caloocan Rep. Edgar Erice, ang testimonya ni Senator Panfilo Lacson na nagsasabing hindi naman ninakaw o ginamit sa maling paraan ni Roxas ang Yolanda funds ay nagpa­pawalang-bisa sa anomang “fake news.”

Si Lacson ang nag­silbing “rehabilitation czar” matapos ang nasabing bagyo. Sa kabila nito, iginiit ni Manicad na hindi dapat kalimutan ng publiko ang kapabayaan ng gobyerno sa pagtutok sa pinsalang idinulot ng bagyo.

“One could clearly point out the lack of structure and coordination. It took days sometimes just for bodies to be picked up, for some areas to receive water. Nagnanakawan, nagkaka­sakitan na ang mga tao,” ani Manicad.

“With respect to former Sec. Mar, ‘yun naman ay hindi fake news. Tanungin n’yo na lang po ‘yung mga taga-Leyte,” dagdag niya.

Ayon sa mga mamamahayag, mahigit dalawang dekada nang nagbabalita ukol sa mga krisis at sakuna sa bansa, kailangang alalahanin ang mga aral na napulot mula sa Yolanda bilang paghahanda sa mga darating na sakuna.

“Ngayon, may water crisis po tayo. May El Niño at ilang bilyon na ang nawala dahil sa tagtuyot. Ito pong mga sitwasyon ay padalas nang padalas. Oras na para isulong natin ang angkop at agarang aksiyon pagkatapos ng sakuna, at mag-implement ng long-term solutions para maiwasan ang grabeng mga epekto nito,” panawagan ng kandidato.  (JG)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *