Monday , October 18 2021
No Facemask

2 mister tiklo sa P126K shabu sa Caloocan (Nasitang walang suot na facemask)

KULUNGAN ang kinabagsakan ng dalawang mister matapos makuhaan ng mahigit P.1 milyon halaga ng shabu nang sitahin ng mga pulis dahil walang facemask sa Caloocan City, kahapon ng madaling araw.

Kinilala ni Caloocan City chief of police P/Col. Samuel Mina, Jr., ang naarestong mga suspek na sina Richard Cenon, alyas Empoy, 46 anyos, at Emar Villanueva, 44 anyos, pintor, kapwa residente sa Brgy. 154, Bagong Barrio.

Ayon kay Col. Mina, nagsagawa ng verification ang mga tauhan ng Bagong Barrio Police Sub-Station sa ilalim ng pamumuno ni P/Lt. Julius Villafuerte hinggil sa natanggap na text message mula sa concern citizen na ipinadala sa NCRPO SMS hotline “Isumbong mo kay RD!”

Dakong 12:20 am, nang dumating sa Consejala St., Brgy. 154, Bagong Barrio, nakita ng mga pulis ang dalawang nakatayong lalaki na walang suot na facemask.

Nang lapitan ng mga pulis upang alamin ang kanilang pagkakilanlan para isyuhan ng Ordinance Violation Reciept (OVR), tumakbo ang mga suspek at tinangkang tumakas kaya’t hinabol sila ng mga pulis hanggang makorner at maaresto.

Nang kapkapan, nakuha sa mga suspek ang anim na sealed transparent plastic sachets na nag­lalaman ng tinatayang 18.66 gramo ng hini­hinalang shabu, may standard drug price P126,888.

Nahaharap ang mga suspek sa kasong paglabag sa Art. 151 of  RPC at RA 9165 o Comprehensive Dangerous Drugs Act of 2002.

(ROMMEL SALES)

About Rommel Sales

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply