Sunday , October 17 2021
Bulabugin ni Jerry Yap
Bulabugin ni Jerry Yap

1,000 Benepisaryo ng DOLE TUPAD ‘kinotongan’ nga ba ng lady solon?

BULABUGIN
ni Jerry Yap

HINDI natin maintindihan kung bakit ang mga human rights advocates na gaya ni Rep. Precious Hipolito-Castelo, kabiyak ni Quezon City Councilor Winnie Castelo, ay masabit o masangkot sa eskandalo ng panlalamang sa kapwa o pangangkatkong sa sahod ng mga TUPAD beneficiaries.

Nitong nakaraang linggo, nagkagulo at sumugod sa barangay upang magreklamo ang mahigit 1,000 benepisaryo ng Tulong Panghanapbuhay sa Ating Disadvantaged/Displaced Workers (TUPAD) Program ng Department of Labor and Employment (DOLE) dahil sa sinabing ‘pangongotong’ ng isang lady solon sa Quezon City.

Ayon sa mga benepisaryo, biktima umano sila ng korupsiyon ng isang halal na kongresista, dahil imbes P7,518 ang kanilang makukuhang suweldo sa TUPAD ay naging P2,000 na lamang matapos kunin ng mga tauhan ng mambabatas ang P5,518.

Ayon sa isang residente ng QC, agad kinakaltasan ng tauhan ng kongresista ang sahod ng mga benepisaryo ng TUPAD pagkatapos makuha sa mga remittance center.

Tinukoy ng mga benepisaryo, ang nasabing kongresista na si Congw. Castelo.

Ilang beses na rin umanong nagpatawag ng meeting sa kanilang lugar ang tagakolekta ng mga pera na isang Castelo rin.

        Hanggang ngayon ay wala pang pahayag ang babaeng kongresista tungkol sa isyu ng ‘kinatkong’ na suweldo ng mga benepisaryo ng TUPAD Program.

        Ang asawa ni congresswoman na si Councilor Winnie ay nagsabi na hindi sita titigil hangga’t hindi lumalabas ang katotohanan sa nasabing isyu.

        O sige, Konsehal Winnie, may ipinaabot lang po ang ibang benepisaryo sa inyo. Kung gusto raw ninyong mabusisi talaga ‘yan, umpisahan ninyo kay ‘Ma’m Jacky.’

        ‘Yung lang po… and you may start, now na!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Bulabugin ni Jerry Yap

Gibaan sa socmed rumatsada na publiko mag-ingat sa fake news

BULABUGINni Jerry Yap MGA MAGULANG panahon ngayon para bantayan o turuang maging matalas ang inyong …

Balaraw ni Ba Ipe

Balik si Gibo

BALARAWni Ba Ipe TAOS-PUSONG pagbati kay Maria Ressa a pagwawagi ng Nobel Peace Prize. Sumasaludo …

FIRING LINE ni Robert B. Roque, Jr.

Handa na sa gera ang Taiwan, tayo ba?

FIRING LINEni Robert B. Roque, Jr. NAKAAALIW ang mga palitan ng kuro-kuro sa social media …

AKSYON AGAD ni Almar Danguilan

Gov. Suarez, anak, sinampahan ng kaso sa Ombudsman

AKSYON AGADni Almar Danguilan KINASOHAN pala sa Ombudsman si Quezon Province Gov. Danilo Suarez. Ito …

Bulabugin ni Jerry Yap

Kathniel’s fans hindi konsintidor sa pagiging ‘ingrata’ ng ina ng aktor (Sa paghahain ng CONA ni Karla Estrada)

BULABUGINni Jerry Yap IBANG klaseng manindigan ang fans ng love team na Kathryn Bernardo at …

Leave a Reply